İsrailin baş nazir Benyamin Netanyahu, təxliyə edilmiş icmaların sakinlərini evlərinə qaytarmaq naminə şimal sərhədlərində təhlükəsizliyi bərpa etmək üçün gözlənilməz planlarının olduğunu bildirib...
Poliqon xəbər verir ki, baş nazir bu mövzunu İsrail Ordusunun Şimal Komandanlığının qərargahına səfəri zamanı müzakirə edib.
“Ətraflı, vacib və hətta gözlənilməz planlarımız var. Amma iki şeyə, şimalda təhlükəsizliyin bərpasına və sakinləri öz evlərinə qaytarmağa hesablanmış bu planları düşmənlə bölüşməyəcəyəm. Biz bu iki məqsədə birlikdə nail olmaq əzmindəyik”, deyə Netanyahu icma nümayəndələrini əmin edib.
Netanyahu qeyd edib ki, İsrail hərbçiləri daim şimal cəbhəsində fəaliyyət göstərir.
“Hazırda biz yüzlərlə “Hizbullah” yaraqlısını məhv etmişik”, deyə İsrailin baş naziri vurğulayıb.
Qeyd edək ki, may ayında Livan qruplaşmasının baş katibi Həsən Nəsrullah israillilər Qəzzada əməliyyatı dayandırana qədər “Hizbullah”ın İsrailə hücum edəcəyi ilə hədələmişdi.
İsrail ilə Fələstinin HƏMAS qruplaşması arasında müharibə 2023-cü il oktyabrın 7-dən davam edir. Nəsrullah əmin edib ki, İsrail hakimiyyətinin əvvəllər söz verdiyi kimi, Livanla sərhəddə yaşayan yəhudilər sentyabrın 1-dək evlərinə qayıtmayacaqlar.
Poliqon.info
Digərxəbərlər
Populyar xəbərlər
