Çin ordusu Tayvanı “ələ keçirmək” imkanlarını sınaqdan keçirir

Xalq Azadlıq Ordusunun Şərq Döyüş Komandanlığı Zonasının qüvvələri Tayvan ətrafında birgə hərbi təlimlərin ikinci günündə adada hərbçilərin “hakimiyyəti ələ keçirmək” imkanlarını yoxlayır.

Poliqon xəbər verir ki, bu barədə Çin ordusunun Şərq Döyüş Komandanlığının “WeChat” sosial şəbəkəsindəki rəsmi hesabında dərc edilən mesajda bildirilir. Mesajdan belə çıxır ki, Çin Silahlı Qüvvələri Tayvanda “hakimiyyəti birgə ələ keçirmək, birgə zərbələr endirmək və mühüm mövqelərə nəzarəti qurmaq imkanlarını” məşq edir.

Qeyd edək ki, daha əvvəl Çin Müdafiə Nazirliyi bildirib ki, Çin Ordusunun Şərq Döyüş Komandanlığı Zonası qoşunların döyüş hazırlığının səviyyəsini yoxlamaq üçün cümə axşamı səhər Tayvan ətrafında quru, donanma, hava qüvvələri və raket qüvvələrinin iştirakı ilə iki günlük birgə hərbi təlimə başlayıb.

Poliqon.info