Co Bayden ABŞ tarixinin “ən pis və ən korrupsioner” prezidentidir...
Poliqon TASS Agentliyinə istinadən xəbər verir ki, bunu ABŞ-ın keçmiş lideri Donald Tramp deyib. Trampın sözlərinə görə, Bayden Çindən milyonlarla dollar alır.
“Bayden ölkəmizin tarixində ən pis prezidentdir. O, korrupsioner adamdır, o qədər korrupsionerdir ki, mən hətta Hillari Klintonu vicdansız adlandırmağı dayandırdım və bu sözü Co üçün istifadə etdim. Mən inanıram ki, Bayden bizim yaşadığımız ən korrupsioner prezidentdir”, deyə Tramp jurnalist Taker Carlsonla müsahibəsində deyib.
Eyni zamanda Tramp hazırkı Amerika liderinin səriştəsinə şübhə ilə yanaşıb.
“Düşünürəm ki, onun psixi vəziyyəti fiziki vəziyyətindən daha pisdir. Fiziki vəziyyətinə gəldikdə isə o, heç də triatlonçu deyil. O, ümumiyyətlə, idmançı deyil”, deyə Tramp ABŞ prezidenti ilə koordinasiya problemlərini xatırladaraq qeyd edib.
Qeyd edək ki, ABŞ-da prezident seçkiləri 2024-cü ilin noyabrında keçiriləcək. Əsas namizədlər ABŞ-ın keçmiş prezidenti Donald Tramp və hazırkı Amerika lideri Co Baydendir. 81 yaşlı Baydenin tez-tez dilini sürüşdürməsi və düşüncəsizliyi seçicilərin onun yaşı ilə bağlı narahatlıqlarını artırır.
Poliqon.info
Digərxəbərlər
Populyar xəbərlər
