İsveç Silahlı Qüvvələrinin Ali Baş Komandanı Büden: Rusiya Qərbin Ukrayna Silahlı Qüvvələrinə verdiyindən daha çox silah istehsal edir...
Rusiya Qərbin Ukraynaya verə biləcəyindən daha çox silah istehsal edir.
Poliqon xəbər verir ki, bunu İsveç Silahlı Qüvvələrinin baş komandanı Mikael Büden Almaniyanın RND qəzetinə müsahibəsində deyib.
“Putin Rusiya iqtisadiyyatını müharibəyə elə hazırlayıb ki, biz bunu bacarmırıq. Ruslar indi bizim Ukraynaya verə biləcəyimizdən qat-qat çox böyük miqdarda hərbi texnika istehsal edirlər”, deyə Büden bildirib.
İsveç Silahlı Qüvvələrinin Ali Baş Komandanı qeyd edib ki, Rusiya hələ də Ukrayna Silahlı Qüvvələrinə qarşı istifadə edə biləcək daha çox hərbi potensiala və qüvvələrə malikdir və bu, yerlərdə vəziyyəti daha da gərginləşdirir.
Eyni zamanda, general iddia edib ki, münaqişə son bir neçə ayda dalana dirənib və bu səbəbdən də uzun illər davam edə bilər.
Poliqon.info