MDB baş katibi: Dünya qlobal münaqişə təhlükəsi ilə üz-üzədir...

Poliqon xəbər verir ki, bunu Müstəqil Dövlətlər Birliyinin (MDB) baş katibi Sergey Lebedev birliyin Təhlükəsizlik Orqanları Rəhbərləri Şurasının 54-cü iclasının iştirakçılarına müraciətində bildirib.

"Təəssüf ki, dünya yenidən qlobal münaqişə təhlükəsi altındadır. Onun müjdəçiləri təkcə Ukraynadakı geosiyasi qarşıdurmanın episentri deyil, həm də Yaxın Şərqdəki partlayıcı vəziyyət, neonasist ideologiyasının və ksenofobik əhval-ruhiyyənin yayılması və bunun fonunda beynəlxalq terror təşkilatlarının fəallaşmasıdır", deyə Lebedev qeyd edib.

Baş katibin sözlərinə görə, Moskva yaxınlığındakı "Crocus Siti Hall"da baş vermiş terror aktı MDB məkanında inteqrasiya proseslərinə növbəti çağırış olub.

"Açığını deyim ki, bu hadisə təhlükəsizlik problemi ilə yanaşı, humanitar, sosial və əmək sahələrində də qarşımıza çətin vəzifələr qoyur. Burada biz ölkələrimizdə əhalinin müəyyən kateqoriyalarının radikallaşması problemini qeyd etməyə bilmərik", deyən baş katib qeyd edib ki, hazırda MDB məkanında terror təşkilatları sıralarına qoşulmağa meyilli şəxslərin deradikallaşdırılması istiqamətində fəal iş aparılır.

Poliqon.info