İran ABŞ esminesinə zərbə endirdiyini iddia edib

Poliqon xəbər verir ki, İslam İnqilabı Keşikçiləri Korpusu (SEPAH) ABŞ esminesinə zərbə endirdiyini iddia edib. Məlumata görə, hadisə Oman körfəzində ABŞ hərbi gəmisinin İranın ərazi sularına yaxınlaşmağa cəhd göstərdiyi zaman baş verib.

SEPAH-ın Hərbi Dəniz Qüvvələrinin yaydığı bəyanatda bildirilib ki, müşahidə və identifikasiya əməliyyatından sonra ABŞ esminesində yerləşən “komanda-nəzarət mərkəzi” hədəfə alınıb.

“İslam İnqilabı Keşikçiləri Korpusunun Hərbi Dəniz Qüvvələri müşahidə və identifikasiya etdikdən sonra ABŞ esminesində yerləşən ‘komanda-nəzarət mərkəzinə’ zərbə endirib”, deyə SEPAH-ın bəyanatında qeyd olunub.

ABŞ tərəfi isə hadisə ilə bağlı hələlik rəsmi açıqlama verməyib.

Qeyd edək ki, ABŞ və İran arasında Fars və Oman körfəzlərində dəniz təhlükəsizliyi məsələləri uzun müddətdir gərginlik mənbəyi olaraq qalır və tərəflər bir-birini vaxtaşırı hərbi təxribatlarda ittiham edir.

Poliqon.info