Almaniya BMT Təhlükəsizlik Şurasına üzv seçilməyib

Poliqon xəbər verir ki, Der Spiegel nəşrinin məlumatına görə, Almaniya BMT Təhlükəsizlik Şurasında keçici üzv yerini əldə edə bilməyib.

BMT Baş Assambleyasının sədri Annalena Berbok səsvermənin nəticələrini açıqlayaraq Portuqaliya və Avstriyanın ilk turda üstünlük qazandığını bildirib. Nəticələrə əsasən, Avstriya 131, Portuqaliya 134, Almaniya isə 104 səs toplayıb. Seçilmək üçün 193 üzv dövlətin üçdə ikisinin dəstəyi tələb olunurdu və bir ölkə bitərəf qalıb.

Məlumata görə, seçilən ölkələr 2027–2028-ci illər üzrə BMT Təhlükəsizlik Şurasında qeyri-daimi üzv kimi fəaliyyət göstərəcək.

Almaniya BMT-də bu statusa mütəmadi şəkildə iddia etsə də, son nəticə Berlin üçün uğursuz hesab olunur. Diplomatik mənbələrə görə, Almaniya bir neçə dəfə bu yerə seçilsə də, bu dəfə Portuqaliya və Avstriya rəqabətdə üstünlük əldə edib.

Almaniyanın xarici işlər naziri Yohan Vadeful səsvermədən əvvəl optimist açıqlama verərək ölkəsinin uğur qazanacağına inandığını bildirmişdi. O, səsvermə öncəsi BMT Baş Assambleyasının zalında avstriyalı və portuqaliyalı həmkarları ilə selfi də çəkmişdi.

Poliqon.info